+13 °С
Облачно
Çыхăну татăлмасть
1 Февраля 2023, 07:27
Пушкăртстанпа Узбекистана авиарейс çыхăнтарĕ
Республика пуçлăхĕ Радий Хабиров февраль уйăхĕн 17-мĕшĕнчен пуçласа Пушкăртстанран Узбекистана тÿрĕ авиарейс уçăласси çинчен пĕлтернĕ. «Ĕпхÿ- Самарканд» авиавĕçев эрнере пĕр хутчен эрне кун пулĕ, сывлăшри çулçÿрев виçĕ сехетпе танлашĕ.
Пушкăртстанпа Узбекистана авиарейс çыхăнтарĕ
- Çакна питĕ лайăх хыпар тесе шутлатăп. Авиарейс уçас йышăнăва Узбекистанри ĕçтешсем те ырларĕç. Самарканд – Азири чи илемлĕ те илĕртекен хуласенчен пĕри шутланать. Пĕтĕмĕшле илсен Узбекистанра хитре вырăнсем чылай. Ĕпхÿпе Пушкăртстанăн та хăнасене кăтартмалли çителĕклех. Икĕ енчи туристсем те кăмăллă юлма тивĕç, - палăртнă Радий Хабиров.
Маларах «Башинформ» агенство февраль уйăхĕн 1-мĕшĕнчен пуçласа Раççейрен Казахстана - Астана, Алмата, Атырау хулисене - малтан çÿренĕ яланхи маршрутсем çĕнĕрен пуçланасси пирки пĕлтернĕччĕ.
