Ял илемлĕрех, сывлăш тасарах пулĕ

2024 çулхи май уйăхĕн 4-мĕшĕнче Ермеккей районĕнчи Янăшма ялĕн çыннисем «Симĕс Пушкăртстан» акцие хутшăнса масар çывăхĕнче хыр калчисем лартнă.

Ял хутлăхĕ хыр калчисене Пелепейри вăрман хуçалăхĕнче туяннă. Йывăçсене лартса пĕтернĕ хыççăн вырăнти арçынсем çамрăк калчасене выльăхсенчен хÿтĕлесе карта тытнă. Пархатарлă ĕçе аслă çынсем те, ачасем те хастар хутшăннă. Çавăн пекех асăннă акци Хурамал, Рятамак, Бекетово ялĕсенче те иртнĕ.

Башкортостан#Уралсасси#нацпроект#Экология