Нефтекамскра çĕнĕ обществăлла хутлăх уçăлнă

Ăна Юбилейный проспектра вырнаçтарнă. «Хăтлă хула хутлăхĕ йĕркелесси» федераллă тата «Пурăнмалли вырăн тата хула хутлăхĕ» наци проекчĕсен витĕмĕсемпе  хулара çемьепе, юлташсемпе канмалли илемлĕ те ункайлă вырăн йĕркеленĕ.
Социалистическая урамран пуçласа Строительсен урамĕ таран тăсăлакан Юбилейный проспекта хăтлăх кĕртесси – хула хутлăхĕнче пурăнакансен пуçарăвĕ. Иртнĕ çул вĕсем «Хăтлă хула хутлăхĕ йĕркелесси» проектра çĕнтернĕ.

Кĕске вăхăт хушшинче территори палăрмалла улшăннă. Ятне кура сквера çичĕ тематика зонине пайланă. Строительсем лаптăкри ватă тирек йывăççисене касса тасатнă, çĕр çине плитка сарнă, асфальтпа бетон лаптăкĕсене, сукмаксене йĕркене кĕртнĕ, светильниксем , саксем, çÿп-çап урнисем, чуччусем вырнаçтарнă. Проектăн чи илемлĕ вырăнĕ  каçпа тĕттĕмленсен хускалакан светпа динамика фонтанĕ пулĕ.

«Ешĕл Пушкăртстан» экологи акцийĕ витĕмĕпе асăннă территоринче «Пушкăрт» аллеи уçнă, йывăç калчисене лартнă.

Çĕнĕ обществăлла хутлăхпа аллея уçни Нефтекамск хулишĕн пĕлтерĕшлĕ пулăм шутланать. Вăл çут çанталăкпа киленмелли, пĕр-пĕринпе курса калаçмалли, обществăлла мероприятисем ирттермелли хăтлă вырăн пулĕ.