Эквадорта чӑваш ялавӗ вӗлкӗшнӗ

Эквадор тӗп хулинче, Кито хулинче, пулнӑ ку саванăçлă пулăм. Унта «Ruta de las Iglesias 10K» ятлӑ каҫхи чупу иртнӗ. Чупӑва 18 пине яхӑн ҫын хутшӑннӑ.

Спорта юратакансем 10 çухрăма парӑнтарнӑ: спортпа туслисем хулари тӗп архитектура палӑкӗсемпе чиркӳсен ҫывӑхӗнче чупнӑ.

Палӑртма кӑмӑллӑ: ӑмӑртӑва пирӗн ентеш (Чăваш Ен çынни) Юрий Кротов та хутшӑннӑ. Вӑл малтан Канаш хулинче пурӑннӑ, халӗ вара Эквадорта Раҫҫей посольствинче ӗҫлет. Юрий чупӑва Чӑваш Ен ялавне вӗлкӗштерсе тухнӑ.

Чăваш халăх сайчĕ.