Пур хыпар та
Вĕрентÿ
25 Мартӑн 2020, 12:22

Анастасия Федорова – Регионсем хушшинчи олимпиада çĕнтерÿçи

И.Я. Яковлев ячĕллĕ Чăваш патшалăх педагогика университечĕн вырăс тата чăваш филологи факультетĕнче (Шупашкар хули) шкул ачисемпе ытти пĕлÿ организацийĕсен вĕренекенĕсем валли Пĕтĕм тĕнчери тăван чĕлхе кунне халалласа чăваш чĕлхипе литература предмечĕсемпе Регионсем хушшинчи олимпиада иртрĕ.

Ăс-хакăл ăмăртăвне çамрăксене аталантармалли условисем туса парас тата професси суйласа илме пулăшас тĕллевпе йĕркеленĕ.
Олимпиадăна Пушкăртстан тата Чăваш Ен республикисенчи 113 вĕренекен хутшăнчĕ. ППУн Çтерлĕри филиалĕн чысне пушкăрт тата тĕрĕк филологи факультечĕн 1-2 курс студенчĕсем хÿтĕлерĕç. Ăмăрту пĕтĕмлетĕвĕсем тăрăх, 1 курс студентки Анастасия Федорова çĕнтерÿçĕ, 2 курс студентки Карина Григорьевапа 1 курс студентки Анфиса Салихова призерсем пулса тăчĕç, Хисеп хучĕсем илме тивĕçрĕç. Çĕнтерÿçĕпе призерсене хатĕрленĕ Л.В. Коротаева доцента Тав çырăвĕпе чысларĕç.
ППУн Çтерлĕ филиалĕнчи тутар тата чăваш
филологи кафедри.