Пушкăртстанри пĕр районта ача сачĕн тата тухтăр амбулаторийĕн котельнăйĕ сирпĕннĕ

Паян, декабрь уйăхĕн 13-мĕшĕнче, Учалă районĕнчи Сафар ялĕнче пысăк инкек пулса иртнĕ. Шаплатнине (хлопок) пула котельнăй ишĕлсе аннă, вăл ача сачĕпе тухтăр амбулаторине ăшăпа тивĕçтернĕ пулнă.

Район администраци пуçлахĕ Руслан Гилязетдинов пĕлтернĕ тăрăх, телее никам та вилмен, суранланман. Урамра питĕ сивĕ, çавна пула ачасем килĕсенче юлнă. Хальхи вăхăтра вырăнта оперативлă служба ĕçченĕсем ĕçлеççĕ. Вĕсемех пăтăрмахăн сăлтавне уçăмлатĕç.

Ача сачĕн тата амбулаторин ĕçне вăхăтлăха чарса лартнă. Вырăнти халăх пĕрремĕш медицина пулăшăвне кÿршĕллĕ Мансурово ялĕнче илет.

Аса илтеретпĕр, иртнĕ эрнере Аскин районĕнчи Султанбеково ялĕнчи шкул котельнăйĕнче взрыв пулнă. Ун чухне 51 çулхи рабочи пурнăçĕ татăлнă.

Юрий СНЕГОПАД.

Автор:Юрий Михайлов

Читайте нас:

Новости партнеров

Ҡыш ҡасан килә?

Уфимский лимонарий – точка притяжения туристов со всех концов России

Балтачлар аккошлар гаиләсе өчен борчыла

Телефон

8-347-86-4-12-78

Электронлă почта