Тырă пушатнă чухне бункер çунма пуçланă

Бакалă районĕнчи Нарат-Елга ялĕ çывăхĕнчи хирте тĕш тырă пушатнă чухне комбайн бункерне вут-çулăм хыпса илнĕ. Каярах мотор пайĕ, кабина тата кустăрма çунма пуçланă. Çавăн пекех вут-çулăм пĕр гектар кĕрхи ыраш анине тĕп тунă.

Пушар вăхăтĕнче суранланнă, вилнĕ çынсем пулман тесе пĕлтернĕ Пушкăртстанри Инкеклĕ лару-тăру патшалăх комитечĕн пресс-службинче.

Уй-хирти «хĕрлĕ автана» лăплантарнă чухне 9 специалиста явăçтарнă тата 3 техникăпа усă курнă. Пушар сăлтавне Инккеклĕ лару-тăру министерствин дознавателĕ уçăмлатать.

Юрий СНЕГОПАД.