Тухтăрсем упа тапăннă çын пурнăçĕшĕн кĕрешеççĕ

Белорецк районĕнчи тĕп клиника больницинче 70 çулхи арçынна вилĕмрен çăлса хăварассишĕн тăрăшни çинчен Пушкăртстанри сывлăх сыхлав министрĕ Айрат Рахматуллин хăйĕн телеграмм-каналĕнче пĕлтернĕ.

Инкеке лекнĕ çын больницăна çитернĕ чух хăйне питĕ начар туйнă. Унăн шăм-шакĕнче хуçăлнă вырăнсем, туртса çурнă сурансем чылай пулнă.

Инкек Абзелил районĕнчи Шарипово ялĕнче Республикăри сунарçăсемпе пулăçăсен ассоциацийĕ çумне çирĕплетнĕ сунара çÿремелли вырăнта пулса иртнĕ. Асăннă ял Белорецк район чиккинче, сăртлă- вăрманлă вырăнта вырнаçнă.

Автор: Инга Алексеева

Читайте нас