Шывра вилĕм тупнă

Июнь уйăхĕн 10-мĕшĕнче Инзер юхан шывра 32 çулхи  хĕрарăм путса вилнĕ. Ăна Гайфуллинское тата Устье-Бассы ялсем хушшинче, Архангельск районĕнчи Казанка ялĕ енчи кĕпере хирĕç юхакан шывра тупнă. Вырăнта шыва кĕме юраманнине пĕлтерекен паллă та пулнă.

Июнь уйăхĕн 9-мĕшĕнче Ермеккей районĕнчи Бекетово ялĕнчен пĕр çухрăмра вырнаçнă пĕвере арçын путса вилнĕ. Çăлавçăсем шывран 48 çулхи арçын ÿтне туртса кăларнă. Инкек вырăнĕнче  çавăн пекех шыва кĕме юраманнине асăрхаттаракан паллă пулнă.