Пушкăртстанри çул çинчи аварире икĕ çыннăн пурнăçĕ татăлнă

Пушкăртстанри патшалăх автоинспекцийĕ пĕлтернĕ тăрăх, паян ирхине, февраль уйăхĕн 13-мĕшĕнче, Чишма- Кăркăс-Мияки автоçулăн 62-мĕш çухрăмĕнче «ВАЗ-2110» автомобильпе «Форт Транзит» автобус çапăннă. Çавна пула çăмăл автомобилĕн водителĕпе пассажирĕ вырăнтах вилнĕ. Автобусра пассажирсем пулманни паллă. Унăн водителĕ  хĕн курман.

Çул-йĕр пăтăрмахĕн сăлтавĕсене тĕпчес ĕçе йĕркелеме вырăна ПР Патшалăх автоинспекци пуçлăхĕн çумĕ Олег Дмитриев полковник килсе çитнĕ.

Юрий СНЕГОПАД.