«ГеоЧĕнĕве» хутшăнакансем Гафури районĕнче ылтăн шыранă

Çак ĕçе вĕсем авалхи мелпе пурнăçланă. Сăмах кунта чĕр тавара шывпа çуса тасатасси пирки пырать. Ăмăртăва хутшăнакансене шыв айĕнчи породăна ятарлă шулапра (лоток) çума хушнă. Кун пек чухне чи йывăр минералсем шулапăн тĕпĕнче юлаççĕ. Кинофильмсенче ылтăн шыракансем хаклă тимĕре шăпах çапла майпа çăваççĕ-çке.

«ГеоЧĕнÿ» («Геовызов») ăмăртун эксперчĕсем палăртнă тăрăх, юхан шывсенчи çĕр айĕнчи пурлăха шывпа çуса тĕрĕслени шырав ĕçĕн шанчăклă та ансат мелĕ шутланать. Çапла туни кĕске вăхăт хушшинче вăл е ку вырăнта алмаз, ылтăн, платина, вольфрамит тата ытти пурлăх пуррипе çукине пĕлме май парать. Геологсем çак мелпе паянхи кун та тăтăшах анлă усă кураççĕ.

Андрей Старостин сăн ÿкерчĕкĕсем.