Пушкăртстан вĕренекенĕсем программировани ăмăртăвĕнче миллион тенкĕ çĕнсе илнĕ

Турнир Ĕпхÿри наукăпа технологи университечĕн Çтерлĕри филиалĕнче иртнĕ, унта 148 шкул вĕренекенĕ хутшăннă.

- Çамрăк çĕнтерÿçĕсем хальхи вăхăтра проектне бизнесра пурнăçлассипе ĕçлеççĕ. Егорпа Богдана çĕнтерÿпе чун-чĕререн саламлатпăр, çитĕнÿсем çинче чарăнса тăмасса, малалла ăнтăлма сунатпăр, - палăртнă Пушкăртстанри патшалăх управленин цифра аталанăвĕн министр тивĕçне пурнăçлакан Геннадий Разумикин.

Егорпа Богдан Глуховцевсем Новая Отрадовка ялĕн шкулĕнче тата Çтерлĕри 3№ Пушкăрт лицей-интернатра вĕренеççĕ.