Валерий Леонидович КЛЕМЕНТЬЕВ

Вăтăр ытла çул каялла йĕркеленĕ пĕрлĕхе – Чăваш наци конгресне – паянхи кун ертсе пыма çăмăлах мар. Апла пулсан та эсир, Валерий Леодинович, халăх шанса панă ĕçе тивĕçлĕ пурнăçлатăр. Çак лава туртма сире пĕр шухăшлă çынсемпе тус-юлташсем пулăшса пыччăр, яланах чун-чĕрере чăтăмлăхпа çирĕп кăмăл пултăр.
Пушкăртстанри чăвашсем сире çавра çулпа саламласа юман пек çирĕп сывлăх, чăваш сурпанĕ пек вăрăм ĕмĕр, çăлкуç пек тапса тăракан вай-хал сунаççĕ. Хастарлăху нихăçан та ан иксĕлтĕр, ĕмĕр сукмакĕ такăр та тумхахсăр пултăр. Хуйхă-суйхă сиртен аякран пăрăнса ирттĕр, ĕмĕтленни пурнăçа кĕрсе пытăр. Малашне те пурнăçăрта юнашар шанчăклă юлташсемпе ырă çынсем çеç пулччăр.
Пушкăртстанри чăвашсен ятĕнчен Чăваш наци конгресĕн Пушкăртстанри элчи – Василий Федоров РФ тава тивĕçлĕ ял хуçалăх ĕçченĕ.