Аслă ăрăва саламлани

Ватлăх

Кун-çулсем иртсе пыраççĕ

Шеллемесĕр çынсене.

Çÿç пĕрчисем шуралаççĕ

Систерсе ватăлнине.

Куç кĕски те кăтартать

Пит-куç пĕркеленнине.

Вăл пĕртте улталамасть

Кун-çул чакса пынине.

Çамрăк чун çеç парăнмасть

Шав юхать-çке малалла.

Хуйхăрса куççуль тăкмасть

Унăн халь пурăнмалла.

Инçете куçĕ курмасть –

Куçлăх  тăхăнса ярать.

Ури те хăвăрт утмасть,

Аллине туя тытать.

Ĕçлеме те пултарать,

Выльăх-чĕрлĕх те пăхать.

Пахча çимĕç те акать,

Кирлĕ пулсан шăварать.

Мăнуксемшĕн – кукамай,

Кÿршĕсемшĕн – çывăх тус.

Тăванĕсем пит нумай,

Вĕсемшĕн ялан хавас.

Елена ДАНИЛОВА.

Пелепей районĕ, Слакпуç ялĕ.